Për sa i përket kompanisë fituese “Marketing&Distribution”, fakti që kompania nuk ka asnjë lidhje me shëndetësinë është i vërtetë.

Në faqen e saj zyrtare bëhet e ditur se kompania “Marketing & Distribution” është një kompani e specializuar në importin, shpërndarjen dhe tregtimin e një shumëllojshmëri produktesh ku përfshihen: Produkte për përdorim vetjak dhe shtëpiak; Ushqime dhe pije; Alkool dhe cigare; Zyra dhe kancelari; Telefoni celulare.

Lidhur me këtë çështje, Ministri i Shëndetësisë ka deklaruar se kompania në fjalë do të merret vetëm me pjesën logjistike, pra në shpërndarjen e materialeve të nevojshme për kryerjen e një Check-Up.  Ndërkohë që kryerja analizave i mbetet qendrave shëndetësore në të gjithë vendin, si dhe njësive të lëvizshme për ata qytetarë që banojnë larg qendrave shëndetësore.