Gjatë 10 viteve të fundit, buxheti i vendosur nga shteti shqiptar në dispozicion të arsimit ka njohur një rritje të vazhdueshme. Megjithatë, në vitin 2016, buxheti i miratuar për arsimin për herë të parë që prej 2013-s ka njohur një ulje. Konkretisht, nëse fondi i arsimit për 2015-s ishte i barabartë me 2,7%, në 2016-n zbriti në 2,46% të PBB-së.

E përkthyer në lekë, sipas të dhënave të Fletores Zyrtare numër 236, “për buxhetin e shtetit 2016”, gjatë vitit aktual është planifikuar të shpenzohen në total 36.438.310 lekë, përafërsisht 305 milionë dollarë. Një vit më parë, shteti shqiptar i dedikoi 40,104.10 Lekë arsimit, përafërsisht 335 milionë dollarë.

Megjithatë, një studim më i thelluar tregon se në tërësinë e tij, shumë zëra brenda arsimit kanë njohur rritje në buxhetin e këtij viti.

Buxheti i 2015-s, publikuar në Fletoren Zyrtare numër 195, 24 Dhjetor 2014, faqja 10 927

Buxheti i 2016-s, publikuar në Fletoren Zyrtare numër 236, 30 Dhjetor 2015, faqja 16 173

Sipas tabelave të nxjerra nga Fletorja Zyrtare (shih referencat më lart), arsimi i lartë dhe ai i mesëm kanë njohur një rritje të ndjeshme të financimit nga buxheti i shtetit. Po ashtu, pothuajse janë dyfishuar fondet për shkencën dhe janë rritur edhe për planifikimin, menaxhimin dhe administrimin e sistemit arsimor.

Si rrjedhojë, rënia e financimit përballohet e gjitha nga dy zëra, nga ai i arsimit bazë (përfshirë atë parashkollor) dhe nga fondi për zhvillimin e sportit, i cili gjithashtu ka njohur një rënie të lehtë.

Tabela e mëposhtme pasqyron ndryshimet që ka pësuar buxheti për arsimin që prej vitit 2003 deri më sot.

Të dhënat referuar INSTAT dhe Open Data Albania