Qeveria shqiptare nuk kërkon të japi me koncesion mbledhjen e TVSH-së, e cila do të vazhdojë të realizohet nga administrata tatimore. Ministria e Financave ka marrë një projekt-propozim nga një firmë e huaj për të përmirësuar sistemin aktual të monitorimit të mbledhjes së TVSH-së, në vend. Pasi është njohur me propozimin, Ministria e Financave ka shprehur interesin e saj, duke kryer një studim fizibiliteti të detajuar dhe duke ripërcaktuar termat e referencës. Ky fakt u njoftua nga zëvendësministrja e Financave, znj.Irena Beqiraj, e cila njoftoi se, së shpejti, Ministria e Financave do të shpalli tenderin ndërkombëtar për një Partneritet-Publik-Privat në fushën e monitorimit të mbledhjes së TVSH-së.