A është ulur apo është rritur çmimi i energjisë në vend? Kjo pyetje është shndërruar në një prej debateve më të fortë politikë në vend. Nga ana e saj, qeveria argumenton se reforma e kryer në sektorin e energjisë dhe unifikimi i fashës së çmimit për kilovat të shpenzuar ka sjellë një reduktim të kostos së energjisë në vend.

Partia Demokratike, partia më e madhe opozitare në vend, vazhdimisht në daljet e saj publike ka akuzuar për një rritje të ndjeshme të çmimit që shqiptarët duhet të paguajnë për konsumin e energjisë elektrike.

Të dhënat e EUROSTAT për çmimin e energjisë elektrike në vitin 2015, tregojnë se në rang europian, çmimet njohën një rritje mesatare prej 2,4%. Rekordi për rritjen e çmimit të energjisë elektrike është shënuar në Letoni, me 26,8% rritje, ndjekur nga Belgjika me 15,1%.

Përsa i përket Shqipërisë, që së fundmi përfshihet së bashku me bllokun e vendeve të tjera kandidate për anëtarësim në statistikat zyrtare të “EUROSTAT”, në 2015-n vendi ynë është shteti europian që ka njohur uljen më të madhe të çmimit të energjisë elektrike, me 29,6% krahasuar me një vit më parë. Pas Shqipërisë, vendet me uljen më të madhe janë Qipro me 22% dhe Lituania me 5,8%.

Shqipëria, gjithashtu është një prej shteteve europiane që ka përqindjen më të ulët të taksës mbi energjinë, pasi vetëm 17% e çmimit të paguar nga konsumatorët shkon në arkat e shtetit si tatim. Në Europë, rekordin për taksa mbi energjinë e mban Danimarka, ku taksat arrijnë sa 69% e çmimit të paguar.

Përsa i përket çmimit në vetveve, Kosova dhe Serbia janë të vetmet vendet europiane që kanë një çmim më të ulët për kilovat se sa vendi ynë, ndërsa përsa i përket taksave që shteti mban nga shteti i energjisë, vetëm tre shtete europiane i kanë më të ulta se 17% i Shqipërisë, Moldavia (0%), Britania e Madhe dhe Malta me 5%.

LEXO MË SHUMË PËR ÇMIMIN E ENERGJISË ELEKTRIKE NË SHQIPËRI NË JAFAKTET.AL: “A ËSHTË RRITUR ME TË VËRTETË ÇMIMI i ENERGJISË”

5 Vendet Europiane me çmimin më të lartë të Energjisë në Europë për 100 kilovat të konsumuara (çmimet në euro, të dhënat EUROSTAT)

5 Vendet Europiane me çmimin më të ulët të Energjisë në Europë për 100 kilovat të konsumuara (çmimet në euro, të dhënat EUROSTAT)

5 Vendet Europiane me ndryshimin më të madh të çmimit për energjinë elektrike gjatë vitit 2015

TABELA E PLOTE E EUROSTAT