Qarqet u Shkodrës dhe Lezhës u goditën nga dy valë përmbytjesh në Dhjetor 2009 e Janar 2010, si dhe në Nëntor-Dhjetor 2010.  Sa është dëmi i verifikuar nga shteti në këto përmbytje?

Dëmi total i verifikuar nga shteti për përmbytjet e muajit Dhjetor 2009-Janar  2010, në qarqet Shkodër dhe Lezhë është: 792 683 355 lekë.

Dëmi total i verifikuar nga shteti për përmbytjet e muajit Nëntor dhe Dhjetor 2010 është: 3 209 744 272 lekë, nga të cilat.

A janë dëmshpërblyer banorët për dëmet e Dhjetorit 2009 e Janarit 2010?

6537 familjet e kualifikuara për dëmshpërblim janë likuiduar plotësisht. Për dëmet në objekte, me VKM  nr.191, datë 17.03.2010, u akordua një fond financiar prej 512 612 791 lekë, ku përfituan 4360 familje. Për dëmet e shkaktuara në kultura bujqësore, me VKM Nr.466, datë 2.6.2010 u akordua një fond financiar  prej 280 070 564 lekë, ku përfituan 2177 familje.

A janë dëmshpërblyer banorët e dëmtuar nga përmbytjet e Nëntor-Dhjetorit 2010-s?

Për dëmet në objekte, vlera prej 2 097 440 930 lekë nuk është miratuar (shih faqja 14, raporti i Avokatit të Popullit)

Për dëmet në kultura bujqësore, vlera prej 1 112 303 342 e cila është miratuar me VKM Nr. 842, datë 6.12.2011, është likuiduar në masën 50%.

Në total, është dëmshpërblyer vetëm 17% e dëmit të vlerësuar.

Sa persona presin të përfitojnë dëmshpërblim?

A aktualisht mbeten për t’u dëmshpërblyer:

5942 familje të cilëve shteti u detyrohet 100 % të vlerës së dëmeve në ndërtim

7563 familje të cilëve shteti u detyrohej ende 50% të vlerës së dëmeve në bujqësi.

Kur do të likuidohet tërësisht dëmshpërblimi për banorët e dëmtuar nga përmbytjet e Nëntor-Dhjetorit 2010?

Nuk ka ende një datë të saktë. Dëmshpërblimet për banorët e Shkodrës, aktualisht janë objekt i VKM nr. 482, datë 5.6.2015 “Për fillimin e procedurave për kalimin dhe shuarjen me kompensim të detyrimeve, ndërmjet KESH, sh.a.-së, OSHEE, sh.a.-së dhe disa banorëve të përmbytur në zonën e Shkodrës, të përcaktuar në vendimin nr.842, datë 6.12.2011, të Këshillit të Ministrave, “Për miratimin e vlerës së kompensimit të dëmeve të shkaktuara në kulturat bujqësore e në biznese nga reshjet e shiut dhe përmbytjet në qarkun Shkodër”.

Për zbatimin e këtij vendimi janë ngarkuar Ministria e Energjisë dhe Industrisë, Ministria e Financave dhe Ministria e Zhvillimit Ekonomik, Turizmit, Tregtisë dhe Sipërmarrjes.